بداية انا بحب كل الأخوان في الله
اللي عرفتهم وعرفوني و اللي عرفتهم ولم يعرفوني و اللي سمعت عنهم ولم أقابلهم بحب كل الأخوان من حسن البنا لحد أبني اللي لسه لم أعرف من هي أمه
وبعشق الأخوان اللي بيعطوا صورة كويسة لدعوتهم وهما ماشين في حياتهم يعني ممكن نقول اللي بيعملوا الخير ويرموا في البحر أو اللي بزرعوا النخل ولا ينتظرون ثماره
أنا فعلا أسفعلي الأطالة بس أنا هكلمكوا في التدوينة دي عن أخ من النوع اللي أنا وصفته في هذه التدوينة طبعا لما نقول الشرقية نفتكرأخوة كتير و مش هذكر أسماء لأني متأكد أن كل قارء لهذه التدوينة يستطيع ذكر 10 أسماء لأخوان في الشرقية لكني أذكر هنا
رجل ...طبيب...كان مرشح دائرته الأنتخابية 95...وكذلك مرشح الأخوان في أنتخابات مجلس الشعب 2005
أعرفتم من
أنه......د/أمير بسام
و أليكم القصة رزقني الله بعمل في مصنع في الشرقية و أسافر كل يوم أو كنت بسافر كل يوم ده لأن ربنا رزقني بعمل أفضل منه المهم كنت بنزل بلبيس و أركب عربية تانية توصلني للمصنع اللي كنت بشتغل فيه المهم كنت أقر علي الطريق دائما لافتات الأنتخابات الخاصة بد / أمير وكنت بقرأ الدستور اليومي ولازلت و في يوم وجد نفسي و بلا شعور أسئل السائق تعرف د/ أمير بسام ؟؟؟! ضحك جامد وقالي انت مش من هنا هو في حد مايعرفش الأمير د/ أمير لموئخذة أنت مبلبع قولت له ياعم براحة أنا من القاهرة و أسمع أنه معتقل فعايز أعرف ايه حكايته؟؟ قالي يابيه ياما في الحبس مظاليم و ياريت البلد تكون كلها زي أمير بسام ده راجل بركه من بتوع ربنا فجأة وصلت المحطة واضطررت للنزول لكن د/ أمير لم يتركني بعد دخلت المصنع وظبت شغلي و تابعت العمال و اشربت الشاي وبدأت أقرا الدستور اليومي و كان ساعتها العدد الاسبوعي اللي نزلوا فيه التوقعات المرئية للأحكام العسكرية سالت فني التركيب نفس السؤال اللي سألته لسائق السيارة و كانت
... الأجابة
بص يا بشمهندس أنا طول عمري ماشي في حالي ولا ليه دعوة بالسياسة بس حصل حاجة مرة في سنة 2005 وده كانت أول و أخر مرة أعمل حاجة ليها علاقة بالسياسة كنت نازل العاشر وببص لقيت مسيرة سدة عين الشمس شباب أطفال ستات رجالة مش قادرة تمشي كلهم لبسين زي بعض وبيهتفوا أحنا الأخوان الله أكبر و الأمير بسام ماشي بنهم عزيز كريم
لازم لو عينك جات في عينه أنك تحبه
قلت له أنت عارف د /أمير فين دلوقتي قالي في بيته وقلتله أنت ما تعرفش أنه معتقل من شهر 12 اللي فات
قالي لازم يكون خرج ده لو ماكنش خرج كان زمان البلد ولعت ده الشخص الوحيد اللي مافيش 2 في البلد يختلفوا عليه
قلت له طيب يا سيدي د/ أمير معتقل وكمان متحول لمحكمة عسكريية هو و 40 واحد من الأخوان وكمان مجمدة فلوسه قوم بأه ولع في البلد؟؟؟
الراجل بكي وعينه أحمرت و لأول مرة من 4 شهور شغل معاه قام يصلي الظهر وقالي أنت عارف أنا خلاص مش هبطل صلاة تاني و كل صلاة هدعي علي اللي حبسوا د / أمير
و قلتلوا ماتنساش تدعي ربنا يفك أسره هو و اللي معاه
د/أمير لا أملك إلا أن أقول لك جزاك الله خيرا وفك الله قيدك أنت وكل من معك من الأخوان
و أقول لك كما قال تعالي
(و اصبروا وصابرو واتقوا الله)
أن الأرض لله يورثها من يشاء من عباده
(أم حسبتم أن تدخلو الجنة و لما يأتكم مثل الذين خلوا من قبلكم مستهم البأساء والضراء وزلزلوا حتي يقول الرسول والذين أمنوا معه متي نصر الله ألا أن نصر الله قريب)
أني أحبك(أحبكم)في الله
