Sunday, September 28, 2008


السلام عليكم
وأنا داخل علي المدونة أو الشبكة العنكبوتية جالي أحساس أني رايح أعدادي كلية مش عارف يمكني لأني منذحوالي شهرين لم اجلس أمام الكمبوتر للترفيه منذ شهرين علاقتي به عبارة عن شغل وفقط
بس النهاردة الحمد لله قررت أجلس للترفيه وفنفس الوقت أحكي حكايتي مع ...نبدأفلاش باك ولا نحكي بتسلسل الأحداث
مش سامع حدبيكلم
طيب الشوري ملزمة
نحكي بتسلسل الاحداث كل يوم وزي كل يوم اصحي الصبح أروح الشغل أرجع من الشغل أنام للمغرب أذا رجعت قبل المغرب أفطر بعد الاذان أذا سمعته و أنزل أصلي التراويح
لكن اليوم ده كان الاربعاء 42-9 كان غير كل يوم ألا أني صحيت الصبح ورحت الشغل ورجعت من الشغل بس ماعرفتش أنام رغم أني رجعت قبل المغرب ولا فطرت بعد الاذان رغم أني سمعته لا صليت تراويح رغم أني كنت ناوي لاني في اليوم ده أصيبت بالم شديد في بطني رغم أني ماكلتش حاجة من الشارع لاني (نسأل الله الأخلاص )كنت صايم وبعد الفحوصات اللي أجراها علي كبير الاطباء عندنا في البيت (والدي يعني) كان في شك أنها الزائدة الدودية أو الزايدة او بلغة أهل السيدة المصران الأعور
وعلي الفور أنتقلت الجثة الكريمة (انا يعني ) للمستشفي نتيجة التحليل عالية جدا أزاي فضل مستحمل كل ده اكيد تعباه من كام يوم انا مؤكدا انها تعبتني النهاردة بس الدكاترة قرروا ان أضل حاجة السرعة في أجراء العملية الممرضة تركب المحاليل الدكتور يرتدي زي العمليات
أنا (أفكر في كل حاجة في ثواني الشغل الصيام المواعيد اللي كنت مرتبها مع أخواني ميعادكان عندي يوم الجمعة وكل حاجة ممكن الواحد بفكر فيها وبعد ثانية ) وجد نفسي أقول الشهادتين ثم مودعا الحياة لفترة ليست قليلة ولكنها كانت طويلة بعد الأفاقة حسيت أني منذ زمن بعيد
حقيقة كل الامور تبدلت كل حاجة اتغيرت في حاجات لوتحلف ماتحصلش حصلت وحاجات لوحلفت تحصل ما حصليتش مثلا كنت متفق مع أخواني اللي كانوا معايا في الكلية نختم مع بعض ختموا مع بعض وانا كنت وحدي في السريركنت المفروض أزور واحد يوم الجمعة زارني هو الخميس بالمناسبة هو من الأخوان اللي سريعا ما تحبهم في الله الاخ(ي)وأخ كنت كل أمنيتي التي لا أتخيلها أني اسمع صوته من كثرة مشاغله والتزامته لا أستطيع حتي رأيته بس جاء وزارني الاخ(أ) وبكده يكون كل الاخوان زاروني من بين (أ &ي) كأن كل الاخوان زاروني
حقيقة لو أني أعلم أني هذة الزائدة تاتي بهولاء ألي البيت لكنت عملتها من زمان
ولكن حقا أستغل خمسا قبل خمس
صحتك قبل هرمك أو من عندي مرضك
وفراغك قبل شغلك
و أخر حاجة كل سنة و أنتم طيبين
وتقبل الله منا ومنك
وما تكتروش في الكعك لان الزايدة بتوجع