اليوم صباحا وزي ما كلنا عارفين الأهلي يلعب الساعة 6:45 بتوقيت القاهرة ماتش مع نادي مكسيكي في اليابان
طبعا الناس صحيت باكرا جدا ونزلت علي المقاهي والقهوة اللي تحت البيت فتحت بدري جدا مش 6:45علب يداية الماتش لا فتحت قبل الماتش علشان يسمعوا التعليق قبل الماتش طبعا أنا كده خلاص صحيت لو مش بمزاجي غصب عني
طبعا كنت كإني نايم علي السماعة في القهوة مش في بتنا خالص
كنت مطر أستيقظ وسيب السماعة عفوا السرير
التلفون بيرن واحد من الفنيين :يا هندسة صباح الفل أنت لسه نايم دا الاهلي كسبان 2-0 ممكن نتأخر شوية علشان الماتش سخن
أنا :العربية هاتمشي في معادها واللي مش عايز يركب معانا هيجي مواصلات ويكتب تأخير
طبعا في العربية 14راكب كان في 30 راديو شغال بيسمع الماتش
النتيجة 4-2 للنادي المكسيكي
***********
مصارحة
كنت أتمني فوز الأهلي مش لأني متيم بأبو تريكة وفلنته ولا جوزيه وشعره و لا كل الكلام ده
بس لان موضوع الاهلي أو الكرة بصفة عامة سبب في شعور كثيرين بالسعادة حيث صارت كرة القدم هي المشروع القومي الوحيد لكثير من المصريين
*************
ولكن لماذا لم يهتم الاعلام بأحداث غزة عشر أهتمامه بالاهلي أوليس اهل غزة مسلمين يموتون يقتلون بدم بارد
لماذا لا تكون أحداث غزة محرك لنا نحن الشعوب كما كانت جلدة نفوخة هوا
لماذا لا نجعل نحن من فك الحصار عن غزة وتحرير فلسطين مشروع قومي لنا نحن كل المصريين وكل المسلمن لعله أطول عمرا من ماتش كرة مدته ساعة ونص
********
عذرا
ياأهل غزة فلقد تم تضليلنا بازمالك و الأهلي
فلقد تم تضليلنا بالفن والفنانين
عذرا مافيش عندنا وقت نتابع فيه أخباركم او نعرف أحوالكم
حسبنا الله ونعم الوكيل
3 comments:
فى العاشرة مساءا عرضوا تقرير للناس الساعة 6 الصبح فمعظمهم بيقول انه مطبق عشان متروحش عليه نومة وفى اللى خد اجازة من الشغل وفيه كمان اللى هياخد جزا بس مش مشكلة
لماذا لم يهتم الاعلام؟؟
لانه اعلام النظام والحكومة والحزب الوطنى
يعنى اذا كان عليهم مش عايزين يسمعوا كلمة غزة بتتقال فمش هيقولوها هما
اما عن الشعب نفسه فاظن تفكير كتير من الناس ان الكورة ارخص..يعنى لو هيه مشروعه مش هيكلفه غير انه يعد على القهوة ويشرب حاجة ويتفرج ويتنرفز شوية ويلبس احمر يوم الماتش وبعدين يرجع لحياته عادى جدا وبردو حاسس بالانتماء لحاجة وانه عايش بهدف..
اما غزة فعشان تبقى مشروع فهو محتاج ناس عندها عزيمة بجد..ونفس طويل وتبنى وحب لقضية فلسطين بدرجة عالية تخليه يضحى بالكثير عشانها
بس فى حاجتين يدعوا للتفاؤل..
1-ان رغم ان ناس كتير مش فى بالها الا ان "الخير فى وفى امتى الى يوم القيامة"ومشروع الاضحية وعلامات تانية كتير بتقول كده
2-لما بشوف مهرجان ذكرى الانطلاقة بتاع حماس رغم الحصار وكل ما يعانون منه والعزة والامل واليقين اللى بيتمتعوا بيها بيتجدد الشعور بان الدعوة دى مستمرة رغم كل حاجة ..ربنا يعينهم ويمكن لهم ويغفر لنا
التعليق طول
وممكن حد يعلق قائلا
لا أعلم لماذا التعليقات علي الموضوع أطول من الموضوع
أستمعت لتقرير العاشرة مساءا
وخطر لي أحساسين أما أن المجتمع والشعب مجموعة من البلهاء والتافهين او أن أحنا مكبرين الموضوع شوية
بس بصراحة أن لمت نفسي لان لو أحنا شغالين صح وفهمين دعوتنا زي الكتاب ما بيقول لا كان ده حالنا ولا حال مجتمعنا أحنا نايمين وعيزين الناس تهتف وتقول الاسلام هو الحل
لا طبعا مش هيحصل لازم مجهود وحركة وبذل وسعي ولما نجيب أخرنا هنلاقي النصر داخل علينا من أوسع أبوابه
وشكرا علي الاطالة
أسف
شكرا علي الزيارة
الاخ الفاضل .. الكرة اليوم اصبحت بالفعل هي شغل الشارع المصري الشاغل وللأسف الشديد يتزامن كل حدث كروي مع ازمة في قلب وطننا العربي
فهذه يستدعي منا كثر من العمل والبذل لإعلاء كلمة الله في الارض ..
فأهل غزة بفضل الله لا يشعرون بالحصار كما نشعر نحن به هنا .. فكما قيل في الفجرية اذا رأينا مهرجان غزة ومدي الحشد وكمية الناس والعزة المعلنة نشعر بالحزن علي احوالنا هنا والتضييق ليس علي غزة ولكن هنا علينا (( يأيها الذين امنوا ان تنصروا الله ينصركم ويثبت اقدامكم ))
Post a Comment